Ehmê Heydî û Zeyne
27 Nisan 2010 Salı 11:17
Ehmê Heydî, Nêribij bi. New lacê ey yew zî keynaya ey bî. Nameyê cenîya ey Zeyne (Zeynebe) bî. Zeyne baş bî, xeyr û hesenat ra hes kerdêni.
Mi vîrî yeno, bawkalê mi Mela Ehmed rehmet kerd bi. Wextê nêweşîya ey de pîyê mi dewarê ma rot bi û kerd bi mesrefê nêweşxaneyî. Ma bê şit mendî bî. Zeyna rehmetî elbay doyê xo û bi ruwen ra ma rî ardê.
Zeyne endi baş bî; labelê şertanê dewi de gedanê aye û mehla qewxe kerdêni. Semedo ke new gedeyê aye lacî bî, yewêk keyneke bî; gedanê aye zor dayene gedanê mehla.
Gedeyê mehla ke te'da dînê şinê mayanê xo ra vatê û mayê înan ameynê Zeyne ra cigirîyaynê.
Zeyne ra vatê:
- Gedey to zaf î, te'da gedanê ma kenî.
Zeyne zî vatê:
- Kêna* min, gedeyî çik nêbenê. Ma cîran î. Goş gedan medi.
** Cenêkan kerdê şemate û Zeyne qehirnaynê. Zeyne damiş nêbînê û vatê:
- Madem gedeyê mi zafî, şima zî xo rî Ehmî** bigî wa gedeyê şima zî zaf bibî.
* Kêna: Keyna, kêyna
Ehmê Heydî, mêrdeyê Zeyne bi.
Diyarbakır haber
