Nano Lavaş
Dewa Hêni Nêrib de di birayî benî. Nameyê yewî Ehmo, yê bînî zî Zilfo beno.
Nameyê maya înan zî Hewe bena.
Dewe de yew hadîse beno, nê her di birayî mehkum benî û newtarenî şirî keye. Mîyanê rezan de hîrê şewî bê engure û awe çîyêk nêwenî.
Bi a veyşaneya xo yenî keye. A vîsteke de maya înan Hewe nano lavaş pewcena.
Her di birayî bi qam û qelefetê xo girdî benî, gelek zî veyşan bîyî. Dest bi nan werdişî kenî. Hele (nameyê aye Hewe bena la gedeyê aye ci ra vanî, Helê) heta peynîya nanî ana, ê zî peynîya nanê anî.
Epey zeman dima, rojêk gama ke rez merr kenî, na mesela yena vîrê înan.
Zilfo vano: "Ehmo! Yeno vîrê to, ma a serrî mehkumî bîy, ma zaf veyşan bibîy. Ma şî keye ke Hewe ha nano lavaş pewcena. Aye pewt ma werd, ma werd aye pewt. Pewtiş qedîya, nan zî qedîya."
* Nano lavaş: Nano lebaş, nano belaş
Diyarbakır Haber
