heridan forum sayfası

Diyalogê Lalan

Mi şima rê meselaya Hecî Mistefayî û çaroxanê ey vate. Hecîyê ma, semedo ke lal o, zaf çîyê bînî zî amey ey sereyî ser de.

Ez o yew meselaya ey a bîne zî behs biko.

Hecîyê ma rocêk kewno rayîr, peyatî şino Hêni. Rayîrî ser o raştê yew merdimî beno û vano:

- Sssselamunellleykum!

Çî rê o merdim zî lal nêbeno. O zî vano:

- Eeeeleykumssselam!


Hecî nêzano ke o merdim zî sey ey lalek o, vano qey pê ey yarî keno. Vano:

- Llllila ti nêşermayenî, pê mi yarî kenî! Edebê to ççççin o?

Camêrd vano:

- Bbbbêeeedeb ti yî! Ti senî mi ra vanî, bêeeeedeb?

Yew ey ra, yew Hecî ra. Xo dergê yewbînan kenê ke qewxe bikî. La a hinge de yewêdo nas raştê îanan yeno. Camêrd mesela

fehm keno, vano:

- Ez şima şinasnena, şima wurdî zî lal î, derheqê yewbînan de suîzen mekênî!

Hema wurdî lalê ma mesela fehm kenî û yewbînan ra uzrê xo wazenî.
Ma zanî ke diyalogê kerran çiqas zor o, la yê lalan zî hende rehet nîyo.