Eey kalê zemunin
Eey pir
Birê!
Birê ü çok bıdê postê xezalê ser
Ew marê vajê;
Mersela kênaya padişahi ew şiwani vajê...
Ca verdê vengê mawzeru u fişegu
Ca verdê buya barudi u buya guynê
Eeey pir!
hadê ronişê bindê darda cıkıdê
Taa Adem u Hawa'ra
Marê eşq,
Marê sewdara
Marê heskerdışra qalê bikê
Haaa kalo,qurban!
Tarixê ma marê vacê
Tarixê ma u zemheri!!
Tarixê ma u tari marê zelal bıkê
Kalıkunê ma gunaxu rışnaya semedê ma
Nıkay ma yıxu vira kerdê!
De vajê kalo de vajê...
Wa vatê şıma zerbırinê marê bıbu dermu
Eeey kalê zeman de vajê!
Pey bostununra bolê bızunra,
Pey dizundê bolê naxırê ra vacê
Vılakê bolê xezalan
Koyê gursiyu mergundê gemıra bıçarnê
Wisar omew veredê estorunê kheylanu
Wa bıçerê mergondê heridonira
Çergomê bıvazdınê wa kaybıkê
Ha kalo qurban de vacê!!!